'டிக்கிலோனா' படத்தில் இடம்பெற்ற இளையராஜாவின் ஹிட் பாடல்

சந்தானம் நடிப்பில் உருவாகியுள்ள 'டிக்கிலோனா' படத்தில் இளையராஜாவின் ஹிட் பாடல் ஒன்று இடம்பெற்றுள்ளது.

கே.ஜே.ஆர்.ஸ்டுடியோஸ் - சோல்ஜர் பேக்டரி சார்பில் பிரமாண்டமாகத் தயாராகியுள்ள படம் 'டிக்கிலோனா'. கார்த்திக் யோகி இயக்கியுள்ள இப்படத்தில் சந்தானம் ஹீரோவாக நடித்துள்ளார். இப்படத்தில் இசையமைப்பாளராக யுவன் ஷங்கர் ராஜா பணியாற்றியுள்ளார்.

இந்நிலையில் இப்படத்தில் இளையராஜாவின் இசையமைப்பில் கடந்த 1991ஆம் ஆண்டு வெளியான 'மைக்கேல் மதன காமராஜன்' படத்தில் இடம்பெற்றுள்ள 'வைச்சாலும் வைக்காம' பாடலைப் பயன்படுத்தியுள்ளனர்.

இந்தப்பாடலின் உரிமையை இளையராஜாவிடமிருந்து வாங்கி, 'டிக்கிலோனா' படத்துக்காக மாடர்னைஸ் செய்திருக்கிறார், யுவன் ஷங்கர் ராஜா.

மேலும் 'டிக்கிலோனா' படத்தின் ட்ரெய்லர் கடந்த 21ஆம் தேதி வெளியான நிலையில், இதுவரை 6 மில்லியன் பார்வையாளர்களைக் கடந்து சாதனைப் படைத்துள்ளது என்பது குறிப்பிடத்தக்கது.