நியூயார்க் டைம் சதுக்கத்தில் முதல்முறையாக இடம்பெற்ற இளையராஜா

நியூயார்க்கில் உள்ள டைம் சதுக்கத்தில் (new york Billboards of Time Square) முதல்முறை இளையராஜா (ilayaraja) பேனர் இடம்பெற்றுள்ளது அவரது ரசிகர்கள் மத்தியில் மிகுந்த மகிழ்ச்சியை ஏற்படுத்தியுள்ளது.

இசைஞானி இளையராஜாவின் காலத்தால் அழிக்க முடியாத பாடல்கள் ஸ்பாட்டிஃபை (spotify app) மியூசிக் செயலியில் தொகுத்து வழங்கப்பட்டுவருகிறது. ஸ்பாட்டிஃபை செயலி இது தொடர்பாக இசைஞானி இளையராஜாவிடம் சமீபத்தில் உரையாடும் விளம்பர காணொலி வெளியிடப்பட்டது.

இந்நிலையில் ஸ்பாட்டிஃபை செயலி (spotify app) உருவாக்கிய விளம்பர காணொலி தற்போது நியூயார்க்கில் உள்ள பில்போர்ட்ஸ் ஆஃப் டைம் சதுக்கத்தில் (new york Billboards of Time Square) ஒளிபரப்பானது. முதல்முறையாக இளையராஜாவின் பேனர் டைம் சதுக்கத்தில் இடம்பெற்றுள்ளது.

இதனை நியூயார்க்கில் உள்ள தமிழ் ரசிகர்கள் வெகுவாக ரசித்துப் பார்த்து, காணொலி எடுத்து வெளியிட்டுள்ளனர். மேலும் இளையராஜாவுக்குப் பிடித்தமான திருவண்ணாமலை தீபம் நாளன்று டைம் சதுக்கத்தில் அவரது விளம்பரம் இடம்பெற்றது என்பது குறிப்பிடத்தக்கது.

இதையும் படிங்க:HBD Shalini அஜித்தின் ஆசை நாயகிக்குப் பிறந்தநாள்