நடிகராகவும் இயக்குநராகவும் இசையமைப்பாளராகவும் ஹிப் ஹாப் ஆதி அறிமுகமான படம் 'மீசைய முறுக்கு'. இதில், விவேக், ஆத்மிகா, விக்னேஷ்காந்த், விஜயலட்சுமி உள்ளிட்ட பலர் முக்கிய கதாபாத்திரத்தில் நடித்திருந்தனர். 2017ஆம் ஆண்டு வெளியான இந்தப்படம் ரசிகர்கள் மத்தியில் நல்ல வரவேற்பை பெற்றது. அதன் பின் ஆதி எந்தவொரு படமும் இயக்கவில்லை.
'மீசைய முறுக்கு' படத்திற்கு பின் வெளியான 'நட்பே துணை', 'நான் சிரித்தால்' படங்களில் ஹிப் ஹாப் ஆதி நாயகனாகவும் இசையமைப்பாளராகவும் இருந்தார்.
தற்போது மீண்டும் ஆதி 'சிவகுமாரின் சபதம்' படத்தை இயக்கி நடித்து வருகிறார். மேலும் அவரே இந்தப் படத்திற்கும் இசையமைத்துள்ளார்.