நடிகர் சீனிவாஸ் நடிப்பில் அமித் ராவ் இயக்கத்தில் உருவாகியுள்ள திரைப்படம் ‘ஹவாலா’. ஆப்பிள் அண்ட் பியர்ஸ் பிலிம் மிஸ்டிக் நிறுவனம் சார்பில், பிரவீன்குமார் ஷெட்டி இப்படத்தைத் தயாரித்துள்ளார்.
இதுகுறித்துப் படக்குழுவினர் கூறுகையில்,"நண்பர்கள் இருவர் நிழல் உலக தாதாக்களாக, மாறுவதற்கான முயற்சியில் இறங்குகிறார்கள். கடுமையாக அடிதடி மற்றும் துப்பாக்கி கலாச்சாரத்தில் இருவரும் ஈடுபடுகிறார்கள்.
அதேசமயம் இருவருக்கும் அழகான காதலிகளும் உண்டு. அவர்கள் தாதாக்கள் ஆனார்களா? அல்லது காதலர்களாக வாழ்ந்தார்களா? என்பதே படத்தின் கதை" என்று தெரிவிக்கப்பட்டுள்ளது.
இத்திரைப்படம் வரும் 31ஆம் தேதி எம்.சி பிளேயர், வோடபோன் ப்ளே, ஏர்டெல் எக்ஸ்ட்ரீம், ஐடியா மூவிஸ், அமேசான் ஃபயர் டிவி, எம்ஐ டிவி உள்ளிட்ட பத்திற்கும் மேற்பட்ட ஓடிடி தளங்களில் வெளியாகின்றது. மேலும் ஓடிடி தளத்தில் தமிழில் வெளிவரும் முதல் முழு நீள ஆக்க்ஷன் படம் 'ஹவாலா' என்பது குறிப்பிடத்தக்கது.