தெலுங்கில் விஜய் தேவரகொண்டா, ரித்து வர்மா ஜோடியாக நடித்து மாபெரும் வெற்றிபெற்ற திரைப்படம் 'பெல்லி சூப்லு'. 2016ஆம் ஆண்டு வெளியான இப்படத்தை தருண் பாஸ்கர் இயக்கினார். தமிழில் இப்படம் அதிகாரப்பூர்வமாக ரீமேக் செய்யப்பட்டுள்ளது.
கார்த்திக் சுந்தர் இயக்கத்தில், ஹரிஷ் கல்யாண், ப்ரியா பவானிசங்கர் நடிப்பில் உருவாகியுள்ள படம் 'ஓ மணப்பெண்ணே'.
ஏ ஸ்டுடியோஸ் எல்.எல்.பி., ஹவிஸ் புரொடக்ஷன்ஸ் நிறுவனம் தயாரிக்கும் இந்தப் படத்திற்கு விஷால் சந்திரசேகர் இசையமைக்கிறார். இப்படத்தின் படப்பிடிப்புகள் முடிவடைந்து வெளியீட்டுக்குத் தயாராக இருக்கும் நிலையில், கரோனா பரவல் காரணமாக வெளியீட்டுத் தேதி அறிவிக்கப்படாமல் இருந்தது.
இந்நிலையில், தற்போது 'ஓ மணப்பெண்ணே' திரைப்படம் ஓடிடி தளமான டிஸ்னி ஹாட்ஸ்டாரில் விரைவில் வெளியாகும் எனப் படக்குழு அதிகாரப்பூர்வமாக அறிவித்துள்ளது.
இதையும் படிங்க: சிம்பு பாடல் வரிகளை பட தலைப்பாக்கிய ஹரிஷ் கல்யாண்?
