ஜி.வி.பிரகாஷ் - எழில் கூட்டணியில் திரைக்கு வரவுள்ள படம் 'ஆயிரம் ஜென்மங்கள்'. திகில், காமெடி கதைக்களத்தில் உருவாகியிருக்கும் இந்தப்படத்தில் ஈஷா ரெப்பா, நிகிலேஷ் பட்டேல், சதீஷ், ஆனந்தராஜ், நான் கடவுள் ராஜேந்திரன், ஆடுகளம் நரேன், மனோ பாலா உள்ளிட்ட பலர் முக்கிய கதாபாத்திரத்தில் நடித்துள்ளனர்.
துள்ளாத மனமும் துள்ளும், பெண்ணின் மனதை தொட்டு, வெள்ளக்காரதுரை, வேலைன்னு வந்துட்டா வெள்ளக்காரன் உள்ளிட்ட காமெடி, காதல் திரைப்படங்களை இயக்கிய எழில், இந்தமுறை திகில் கற்பனை கதையை கையில் எடுத்துள்ளார்.
அபிஷேக் பிலிம்ஸ் நிறுவனம் சார்பில் ரமேஷ் பி பிள்ளை தயாரிக்கும் இப்படத்திற்கு சி.சத்யா இசையமைத்துள்ளார். யு.கே.செந்தில்குமார் ஒளிப்பதிவு செய்துள்ளார்.