ஆக்ஸஸ் பிலிம் பேக்டரிக்காக ஜி. டில்லிபாபு தயாரித்த 'ராட்சசன்' சைக்கோ திரில்லர் வகைப் படமாகும். 2018ஆம் ஆண்டு வெளியான இத்திரைபடத்தை ராம்குமார் இயக்கியிருந்தார்.
விஷ்ணு விஷால், அமலா பால், சரவணன் ஆகியோர் பிரதான வேடங்களில் நடித்திருந்த இந்தப் படத்தின் இசை உருவாக்கத்திற்காக இசையமைப்பாளர் ஜிப்ரான் தொடர்ந்து பல்வேறு சர்வதேசப் படவிழாக்களில் விருதுகளை பெற்றுவருகிறார். அந்த வகையில் தற்போது இந்தப் பட்டியலில் மேலும் ஒரு விருது சேர்ந்திருக்கிறது.
இசையமைப்பாளர் ஜிப்ரான் உருவாக்கிய இசைகோர்வைகள், பின்னணி பெஸ்ட் ஒரிஜினல் ஸ்கோர் விருது ஜிப்ரானுக்கு மீண்டும் கிடைத்திருக்கிறது. கிழக்கு ஐரோப்பிய ஃப்யூசன் சர்வதேச திரைப்பட விழா (Fusion International Film Festivals) வார்ஸோவில் நடந்தபோது, பல்வேறு நாடுகளிலிருந்து வந்த ஏராளமான படங்கள் போட்டிப் பிரிவில் திரையிடப்பட்டன.
இந்தப் போட்டியில் ஜிப்ரான் இசையமைத்த 'ராட்சசன்' படம் 2019ஆம் ஆண்டுக்கான பெஸ்ட் ஒரிஜினல் ஸ்கோர் விருதை வென்றிருக்கிறது.
இதையும் படிங்க:இனிதே ஆரம்பமான 'தலைவர் 168' பட பூஜை!