திரைப்படம் திரையரங்கில் தான் வெளியாக வேண்டும் - இயக்குநர் பேரரசு!

திரைப்படங்கள் திரையரங்கில்தான் வெளியாக வேண்டும் என்று இயக்குநர் பேரரசு தெரிவித்துள்ளார்.

புதுமுக இயக்குநர் ஞான ஆரோக்கியராஜா இயக்கியுள்ள 'உதிர்' திரைப்படத்தின் இசை இன்று வெளியிடப்பட்டது. இவ்விழாவில் இயக்குநர் பேரரசு, இசை அமைப்பாளர் தீனா, கில்டு தலைவர் ஜாக்குவார் தங்கம் மற்றும் படக்குழுவினர் கலந்துகொண்டனர்.

விழாவில் பேசிய இயக்குநர் பேரரசு, "தற்போதைய காலத்தில் திரைப்படங்கள் செல்போனில் திருட்டுத்தனமாக வெளியாகிறது. அது நல்லதல்ல. திரைப்படங்கள் என்றால் அது திரையரங்கில்தான் வெளியாக வேண்டும்.

கரோனா சூழ்நிலை காரணமாக சில படங்கள் ஓடிடியில் வெளியாகிறது. ஆனால் அந்த நிலை தொடரக்கூடாது. இதற்கு ரசிகர்களும் தயாரிப்பாளர்களும் ஒத்துழைப்பு அளிக்க வேண்டும்" என்றார்.