வைஜெயந்தி சினிமாஸ், ஸ்வப்னா சினிமாஸ் தயாரிப்பில் நடிகர் துல்கர் சல்மான் நடிப்பில் புதிய படம் ஒன்று உருவாகிவருகிறது. 1964ஆம் ஆண்டில் நடைபெறும் ஒரு ப்ரீயட் காதல் கதையாக உருவாகும் இந்தப் படம் தமிழ், தெலுங்கு, மலையாளம் ஆகிய மொழிகளில் வெளியாகவுள்ளது. இதனை ஹனு ராகவாபுடி இயக்கவுள்ளார்.
தற்போது துல்கர் சல்மானின் பிறந்தநாள் ஸ்பெஷலாக இப்படத்தின் போஸ்டர் வெளியிடப்பட்டுள்ளது. அந்தப் போஸ்டரில் இடம்பெற்றுள்ள நிழற்படத்தில் துல்கர் ஒரு ராணுவ வீரனாக தோன்றுகிறார். அதில் இரண்டு கைகள் ஒன்றாக இணைவது ஒரு காதல் பக்கத்தைக் குறிக்கிறது. போர் பின்னணியில் ஒரு காதல் என்பதே படத்தின் மிகவும் ஈர்க்கத்தக்க அம்சமாக உள்ளது.