சிவகார்த்திகேயன் நடிப்பில் கடந்த மாதம் வெளியான படம் 'டாக்டர்'. சுமார் 100 கோடி ரூபாய்க்கு மேல் வசூல்செய்து சாதனை செய்திருக்கும் இப்படத்தை நெல்சன் இயக்கியுள்ளார்.
இப்படத்தின் வெற்றியைத் தொடர்ந்து சிவகார்த்திகேயன் 'டான்' படத்தில் கவனம் செலுத்திவருகிறார். அறிமுக இயக்குநர் சிபி சக்கரவர்த்தி இயக்கியுள்ள இதில் சிவகார்த்திகேயனுக்கு ஜோடியாக பிரியங்கா மோகன் நடித்துள்ளார்.
கல்லூரி கதைக்களத்தில், முழுக்க முழுக்க நகைச்சுவையை மையமாக வைத்து உருவாகியுள்ள இதனை லைகா நிறுவனத்துடன் இணைந்து எஸ்.கே. புரொடக்ஷன் தயாரித்துள்ளது. சென்னை, கோயம்புத்தூர், பொள்ளாச்சி உள்ளிட்ட இடங்களில் நடைபெற்ற இப்படத்தின் படப்பிடிப்பு சமீபத்தில் நிறைவடைந்துள்ளது.
இந்நிலையில் இப்படத்தின் ஆடியோ உரிமையை சோனி நிறுவனம் கைப்பற்றியுள்ளதாக அதிகாரப்பூர்வ அறிவிப்பு வெளியாகியுள்ளது. படத்தின் முதல் பாடல் இன்று அல்லது நாளை வெளியாகலாம் எனக் கூறப்படுகிறது.
இதையும் படிங்க:பொங்கல் விடுமுறையை குறிவைத்த ஹிப்ஹாப் ஆதி