இவர் திரைப்படத்துக்காக நான் காத்திருக்கிறேன் - இயக்குநர் ஷங்கர்

தனக்கு பிடித்த இளம் இயக்குநர்கள் குறித்தும், சமீபத்தில் திரைத்துறையில் அறிமுகமாகியிருக்கும் இயக்குநர் குறித்தும் இயக்குநர் ஷங்கர் பகிர்ந்துள்ளார்.

'2.0' திரைப்படத்தின் வெளியீட்டுக்குப் பிறகு இயக்குநர் ஷங்கர் தற்போது 'இந்தியன்- 2' திரைப்படத்தின் வேலைகளில் பிஸியாக இருக்கிறார். கரோனா தொற்று காரணமாக அமலில் இருக்கும் ஊரடங்கு முடிவுக்கு வந்த பிறகு இந்தத் திரைப்படத்தின் படப்பிடிப்பு பணிகள் தொடங்கும் என தெரிவிக்கப்பட்டுள்ளது.

இந்நிலையில், தமிழ் சினிமாவில் தனக்கு பிடித்த இளம் இயக்குநர்கள் குறித்து இயக்குநர் ஷங்கர் சமீபத்தில் பகிர்ந்துள்ளார். இயக்குநர்கள் வெற்றிமாறன், லோகேஷ் கனகராஜ், 'அருவி' இயக்குநர் அருண் பிரபு, ஹெச். வினோத் போன்றோரை தனக்கு பிடிக்கும் என ஷங்கர் தெரிவித்துள்ளார்.

ஹலிதா ஷமீம்

சமீபத்தில் 'சில்லுக் கருப்பட்டி' திரைப்படம் மூலம் ரசிகர்களால் கவனிக்கப்பட்ட இயக்குநர் ஹலிதா ஷமீமையும் தனக்கு பிடித்துள்ளதாக ஷங்கர் குறிப்பிட்டார். தற்போது குழந்தை நட்சத்திரங்களை வைத்து ஹலிதா ஷமீம் 'மின்மினி' என்ற திரைப்படத்தை இயக்குகிறார். அந்த குழந்தைகள் வளர்ந்துவருவது போல திரைப்படத்தில் காட்சிபடுத்த ஹலிதா காத்திருக்கிறார். இந்த திரைப்படத்தைக் காண நான் ஆவலாக இருக்கிறேன் என ஷங்கர் தெரிவித்துள்ளார்.

இதையும் படிங்க...'இந்தியன்-2'வில் மாற்றம்: இயக்குநர் ஷங்கர் முடிவு