'சார்பட்டா பரம்பரை' வெற்றியைத் தொடர்ந்து இயக்குநர் பா.ரஞ்சித் இயக்கத்தில் உருவாகியுள்ள படம், 'நட்சத்திரம் நகர்கிறது'.
காதலை மையமாகக் கொண்டு உருவாகியுள்ள இதில் காளிதாஸ் ஜெயராம், துஷாரா விஜயன் முதன்மைக் கதாபாத்திரத்தில் நடித்துள்ளனர்.
இப்படத்தின் படப்பிடிப்பு கடந்த மாதம் நிறைவடைந்த நிலையில், தற்போது படத்தின் அனைத்துப் பணிகளும் நிறைவடைந்துள்ளதாகப் படக்குழு தெரிவித்துள்ளது.
இதனையொட்டி படக்குழுவினர் செட்டிங்கில் கேக் வெட்டி கொண்டாடிய புகைப்படங்களை வெளியிட்டுள்ளனர்.
படத்தில் கலையரசன், ஹரி கிருஷ்ணன் ஆகியோர் முக்கியக் கதாபாத்திரங்களில் நடித்துள்ளனர்.
சாண்டி படத்தின் நடன இயக்குநராகப் பணியாற்றியுள்ளார். 'அட்டகத்தி' படத்திற்குப் பிறகு இயக்குநர் பா.ரஞ்சித் இயக்கிய காதல் படம் இது என்பது குறிப்பிடத்தக்கது.
இதையும் படிங்க:நடிகர் அருண் விஜய்க்கு கரோனா பாதிப்பு
