'பிசாசு 2' படப்பிடிப்பு தொடக்கம்

சென்னை: மிஷ்கின் இயக்கத்தில் உருவாகி வரும் 'பிசாசு 2' படத்தின் அடுத்தகட்ட படப்பிடிப்பு இன்று (ஜூலை.22) தொடங்கியது.

ராக்போர்ட் என்டர்டெயின்மென்ட் சார்பாக டி. முருகானந்தம் தயாரிப்பில், மிஷ்கின் ‘பிசாசு 2’ படத்தை இயக்கிவருகிறார்.

ஆண்ட்ரியா முதன்மைக் கதாபாத்திரத்தில் நடிக்கும் இப்படத்தில் நடிகை பூர்ணா முக்கிய கதாபாத்திரத்தில் நடிக்கிறார். இசையமைப்பாளர் கார்த்திக் ராஜா இசையமைக்கிறார்.

பிசாசு 2

கரோனா காரணமாக நிறுத்திவைக்கப்பட்ட இப்படத்தின் படப்பிடிப்பு இன்று (ஜூலை.22) மீண்டும் திண்டுக்கல்லில் தொடங்கியுள்ளது.

மேலும் இப்படத்தின் ஃபர்ஸ்ட்லுக் விரைவில் வெளியிடப்படும் என்று கூறப்படுகிறது.