கௌதம் மேனன் இயக்கத்தில் சிம்பு- குஷியில் ரசிகர்கள்

சென்னை: நடிகர் சிம்புவின் 47ஆவது படத்தை இயக்குநர் கௌதம் மேனன் இயக்கவுள்ளதாக அறிவிப்பு வெளியாகியுள்ளது.

கௌதம் மேனன் இயக்கத்தில் சிம்பு நடிப்பில் கடந்த 2010ஆம் ஆண்டு வெளியான திரைப்படம், ‘விண்ணைத்தாண்டி வருவாயா’. இப்படம் வெளியாகி 10 ஆண்டுகளுக்கும் மேலாகியும் இன்றளவும் ரசிகர்களால் கொண்டாடப்பட்டு வருகிறது. தொடர்ந்து இப்படத்தின் இரண்டாம் பாகத்தை இயக்குமாறு இயக்குநர் கௌதம் மேனனுக்கு ரசிகர்கள் கோரிக்கை வைத்து வந்தனர்.

இந்நிலையில், தற்போது சிம்புவின் 47ஆவது படத்தை கௌதம் மேனன் இயக்கவுள்ளதாக அறிவிப்பு வெளியாகியுள்ளது. மேலும் வேல்ஸ் இன்டர்நேஷனல் ஃபிலிம்ஸ் நிறுவனம் இப்படத்தை தயாரிக்கிறது.

மீண்டும் சிம்பு- கௌதம்மேனன் கூட்டணி இணைந்துள்ளதால் இப்படம் ’விண்ணைத்தாண்டி வருவாயா 2’ படமாக இருக்குமோ என்ற சந்தேகம் ரசிகர்கள் மனதில் எழுந்துள்ளது.

இதையும் படிங்க:மாரி செல்வராஜ் இயக்கத்தில் துருவ் விக்ரம்!