இயக்குநர் பாலா பிறந்தநாள்

முன்னனி இயக்குநரான பாலா தனது பிறந்தநாளை இன்று (ஜூலை 11) கொண்டாடுகிறார்.

தமிழ் திரையுலகில் தனக்கென ஓர் இடம், தனக்கென ஓர் ரசிகர் பட்டாளைத்தை வைத்துள்ள இயக்குநர் பாலா இன்று (ஜூலை 11) தனது 55ஆவது பிறந்தநாளை கொண்டாடுகிறார்.

தேனி மாவட்டம் உத்தமபாளையத்தில் பிறந்த பாலா, சினிமா மீது தீராத காதல் கொண்டவர். இவர், இயக்குநர் பாலுமகேந்திராவிடம் உதவியாளராக பணியாற்றியவர்.

பாலா

பின்னர், தயாரிப்பு உதவியாளராக இருந்த பாலா, உதவி இயக்குநராக பணியாற்றினார். இதையடுத்து 1999ஆம் ஆண்டு நடிகர் விகரம்-ஐ வைத்து சேது என்னும் திரைப்படத்தை இயக்கி தமிழ் சினிமாவையே திரும்பி பார்க்க வைத்தார்.

சேது

இதையடுத்து, நடிகர் சூர்யாவை வைத்து நந்தா திரைப்படத்தை இயக்கினார். அதுவும் மாபெரும் வெற்றியைத் தொட்டது.

நந்தா

பின்னர், நடிகர் விகரம், சூர்யா இருவரையும் வைத்து பிதாமகன் படத்தை இயக்கினார். இத்திரைப்படம் மூலம் நடிகர் விக்ரம், சூர்யா இருவரின் திரை வாழ்க்கையையே திருப்பி போட்டது.

பிதாமகன்

இதைத் தொடர்ந்து அவர் இயக்கிய ‘நான் கடவுள்' படத்துக்காக சிறந்த இயக்குநருக்கான தேசிய விருதை பெற்றார்.

நான் கடவுள்

அவன் இவன், பரதேசி, தாரை தப்பட்டை, நாச்சியார் என தொடர்ந்து பல வெற்றிப் படங்களை கொடுத்து வரும் இயக்குநர் பாலாவின் பிறந்தநாளுக்கு அவரது ரசிகர்கள், திரைத்துறை நண்பர்கள் ஆகியோர் வாழ்த்து தெரிவித்து வருகின்றனர்.

இதையும் படிங்க: ரசிகர்களைக் கவர்ந்திழுக்கும் மிர்னா மேனன்