விருது இரண்டு, இயக்குநர் ஒன்று- வெற்றிமாறன் குறித்து தனுஷ் நெகிழ்ச்சி!

ரஜினிகாந்த் தாதாசாகேப் பால்கே விருது பெற்ற மேடையில் தனக்கும் தேசிய விருது கிடைத்திருப்பது இரட்டிப்பு மகிழ்ச்சி அளிப்பதாக நடிகர் தனுஷ் தெரிவித்துள்ளார்.

'அரசுன்' படத்தில் நடித்த தனுசுக்கு சிறந்த நடிகருக்கான விருது அறிவிக்கப்பட்டது. டெல்லியில் நடந்த 67ஆவது தேசிய திரைப்பட விருதுகள் வழங்கும் விழாவில் துணை ஜனாதிபதி வெங்கையா நாயுடு இந்த விருதை தனுஷுக்கு வழங்கினார்.

டெல்லியில் விருது பெற்று விட்டு விமானத்தில் நேற்று நள்ளிரவு சென்னை திரும்பினார். அப்போது சென்னை விமான நிலையத்தில் நடிகர் தனுஷ் செய்தியாளர்களை சந்தித்தார்.

அப்போது அவர், “சிறந்த நடிகருக்கான தேசிய விருது வழங்கப்பட்டது மகிழ்ச்சியாக இருக்கிறது. ரஜினி தாதா சாகேப் பால்கே விருது வாங்கும் மேடையில் நானும் தேசிய விருது பெருமையாகவும் இரட்டிப்பு மகிழ்ச்சியாக உள்ளது.

வெற்றிமாறனும் நானும் தொடர்ந்து பட வேலைகளில் ஈடுபட்டு வருகிறோம். வெற்றிமாறனும் நானும் இணைந்து பணியாற்றிய எல்லா படங்களும் வெற்றியையும் வரவேற்பையும் எல்லா தரப்பிலும் பெற்று தந்துள்ளன.

இரண்டு தேசிய விருதுகளும் வெற்றிமாறன் தந்த கதாபாத்திரம் மூலமாகதான் கிடைத்துள்ளது. வெற்றிமாறனுக்கும் தாணுவிற்கும் தேசிய விருது குழுவிற்கும் தமிழ் சினிமா ரசிகர்களுக்கும் எனது ரசிகர்களுக்கும் நன்றியை தெரிவித்துக் கொள்கிறேன்” என்றார்.