கரோனா தொற்றுப் பரவலைக் கட்டுப்படுத்தும் வகையில் நாடு முழுவதும் ஊரடங்கு அமல்படுத்தப்பட்டு, மக்கள் வீடுகளை விட்டு வெளியேறாமல் இருந்துவரும் நிலையில், மக்கள் மத்தியில் மன அழுத்தப் பிரச்னைகள் தலைதூக்கத் தொடங்கியுள்ளன.
இந்நிலையில் உலக சுகாதார அமைப்புடன் இணைந்து இதுகுறித்த கலந்துரையாடல் ஒன்றில் பங்குபெறப்போவதாக நடிகை தீபிகா படுகோன் முன்னதாக அறிவித்திருந்த நிலையில், இந்நிகழ்ச்சி தற்போது தற்காலிகமாக நிறுத்தி வைக்கப்பட்டுள்ளதாக வருத்தத்துடன் பதிவிட்டுள்ளார்.
இதுகுறித்து தனது இன்ஸ்டாகிராம் பக்கத்தில் ”உலக சுகாதார நிறுவனத்தின் இயக்குநர் மருத்துவர் டெட்ரோஸ் அதனம் கெப்ரயெசஸ் உடன் நடைபெறவிருந்த மனநலனுக்கு முக்கியத்துவம் அளிப்பது குறித்த கலந்துரையாடல் தற்போது தற்காலிகமாக நிறுத்தி வைக்கப்பட்டுள்ளது, இந்த செய்தியை பகிர்வதற்கு வருந்துகிறேன்.