அல்லு அர்ஜுன், பூஜா ஹெக்டே நடிப்பில் ஜனவரி மாதம் 12ஆம் தேதி வெளியான படம் 'அலா வைகுந்தபுரமுலோ' (Ala Vaikunthapurramloo). திரிவிக்ரம் இயக்கியுள்ள இப்படத்தில் தபு, ஜெயராம், நிவேதா பெத்துராஜ், நவ்தீப் உள்ளிட்டோர் முக்கியமான கதாபாத்திரங்களில் நடித்துள்ளனர். கீதா ஆர்ட்ஸ் தயாரித்துள்ள இப்படத்தில் இடம்பெற்ற அனைத்துப் பாடல்களும் நல்ல வரவேற்பைப் பெற்றது.
அதிலும் குறிப்பாக, 'புட்ட பொம்மா புட்ட பொம்மா' (Butta bomma) என்ற பாடல் இளைஞர்கள் மத்தியில் பெரும் வரவேற்பைப் பெற்று வருகிறது. குழந்தைகள் தொடங்கி பெரியவர்கள் வரை அனைவரும் இப்பாடலை விரும்பியுள்ளனர்.
அதுமட்டுமல்லாது, டிக்டாக்கில் #buttabomma என்ற ஹேஷ்டேக்கைப் பயன்படுத்தி, பொதுமக்கள் முதல் பிரபலங்கள் வரை, இப்பாடலுக்கு டிக் டாக் நடனம் ஆடியுள்ளனர்.