'இமைக்கா நொடிகள்' பட வெற்றியைத் தொடர்ந்து இயக்குநர் அஜய் ஞானமுத்து இயக்கிவரும் திரைப்படம் ’கோப்ரா’. விக்ரம் நடித்துவரும் இப்படத்தில் ’கேஜிஎஃப்’ படத்தில் நடித்த ஸ்ரீநிதி ஷெட்டி, மிருணாளினி ரவி, முன்னாள் கிரிக்கெட் வீரர் இர்பான் பதான் ஆகியோர் முக்கியக் கதாபாத்திரங்களில் நடித்துவருகின்றனர்.
இப்படத்தின் படப்பிடிப்பு கரோனா ஊரடங்கு காரணமாக நிறுத்தப்பட்டிருந்த நிலையில் மீண்டும் இம்மாதம் தொடக்கம் முதல் தொடங்கியது.
இந்நிலையில் ’கோப்ரா’ படத்தின் ஏழு கெட்டப்புகளில் விக்ரம் இருக்கும் முதல் லுக் போஸ்டர் ஏற்கனவே வெளியான நிலையில், இன்று (டிச. 25) கிறிஸ்துமஸ் பண்டிகையையொட்டி இரண்டாவது லுக் போஸ்டர் லுக் வெளியாகியுள்ளது.
அதில் மிகவும் மாஸாக இருக்கும் விக்ரமின் புகைப்படம் தற்போது சமூக வலைதளங்களில் வைரலாகிறது. மேலும் கோப்ரா படத்திலிருந்து வெளியான இரண்டு லுக்குகளும் படத்தின் மீதான எதிர்பார்ப்பை அதிகப்படுத்தியுள்ளதாக விக்ரம் ரசிகர்கள் தெரிவித்துள்ளனர்.