சியான் 60 படப்பிடிப்பு நிறைவு- கேக்குடன் கொண்டாடிய படக்குழு

நடிகர் விக்ரம் நடித்துவந்த 'சியான் 60' திரைப்படத்தின் படப்பிடிப்பு நிறைவடைந்துள்ளதாக படக்குழுவினர் அறிவித்துள்ளனர்.

கார்த்திக் சுப்புராஜ் இயக்கத்தில் விக்ரம் நடித்துள்ள திரைப்படம், 'சியான் 60'. தற்காலிகமாக சியான் 60 என அழைக்கப்படும் இப்படத்தில் விக்ரமின் மகன் துருவ் விக்ரமும் நடித்துள்ளார்.

விக்ரம் கேங்ஸ்டராகவும், துருவ் விக்ரம் காவல் துறை அலுவலராகவும் நடித்துள்ளதாகக் கூறப்படுகிறது. இதில் சிம்ரன், பாபி சிம்ஹா, வாணி போஜன் உள்ளிட்டோர் முக்கிய கதாபாத்திரங்களில் நடித்துள்ளனர்.

ஆக்‌ஷன் த்ரில்லராக உருவாகியுள்ள இப்படத்தின் படத்தின் படப்பிடிப்பு டார்ஜிலிங்கில் நடைபெற்றுவந்தது. இந்நிலையில் சியான் 60 திரைப்படத்தின் படப்பிடிப்பு நேற்றுடன் (ஆக.14) முடிந்துவிட்டதாகப் படக்குழு அறிவித்துள்ளது.

இதனைக் கொண்டாடும் வகையில், 'Chiyaan 60 Its A Wrap' என்ற கேக்கை வெட்டி படக்குழுவினர் கொண்டாடினார். அப்போது எடுத்த புகைப்படங்கள் சமூக வலைதளங்களில் வெளியாகியுள்ளது.

சுதந்திர தினத்தை முன்னிட்டு 'சியான் 60' படத்தின் தலைப்பு குறித்த அறிவிப்பு வெளியாகும் என எதிர்பார்க்கப்படுகிறது. இப்படம் தவிர விக்ரம் ’கோப்ரா', 'பொன்னியின் செல்வன்' ஆகிய திரைப்படங்களில் நடித்துவருகிறார்.

இதையும் படிங்க:வெளிநாட்டு இந்தியர்களை கவர்ந்த "நவரசா"