'நேர்கொண்ட பார்வை' படத்தைத் தொடர்ந்து ஹெச்.வினோத் இயக்கத்தில் அஜித், 'வலிமை' படத்தில் நடித்து வருகிறார். போனி கபூர் தயாரித்து வரும், இந்தப் படத்தின் படப்பிடிப்பு கரோனா தொற்று அச்சுறுத்தல் காரணமாக பாதியில் நிறுத்திவைக்கப்பட்ட படப்பிடிப்பு மீண்டும் தொடங்கி நடைபெற்றுவருகிறது. 'வலிமை' படத்தில் அஜித்துடன் நஸ்ரியா, ஹூமா குரேஷி, யோகி பாபு, தெலுங்கு நடிகர் கார்த்திகேயா ஆகியோர் பிரதான கதாபாத்திரங்களில் நடிக்கின்றனர். நீரவ் ஷா ஒளிப்பதிவு செய்யும் இந்த படத்திற்கு யுவன் சங்கர் ராஜா இசையமைக்கிறார்.
வலிமை படத்தின் படப்பிடிப்பு தொடங்கிய நாட்களிலிருந்து இதுவரை எந்த அப்டேட்டும் வராததால் அஜித் ரசிகர்கள் அப்டேட் கேட்டு சமூகவலைதளங்கள், போஸ்டர் ஒட்டி படக்குழுவினரிடம் கேட்க ஆரம்பித்தனர். இதற்கு படக்குழுவினர் செவி சாய்க்கவில்லை.