‘தெறி', 'மெர்சல்' படங்களின் வெற்றியைத் தொடர்ந்து விஜய் - அட்லி கூட்டணியில் உருவாகிவரும் திரைப்படம் 'பிகில்'. பெண்களின் கால்பந்து விளையாட்டை மையமாக வைத்து உருவாகி வரும் இப்படத்தில் விஜய் பயிற்சியாளராக நடிக்கிறார். விஜய்க்கு ஜோடியாக நயன்தாரா நடிக்கிறார். மேலும் இந்துஜா, யோகி பாபு, கதிர், ஷாக்கி ஷெராஃப், விவேக் உள்ளிட்ட பலரும் நடிக்கின்றனர்.
போட்றா வெடிய... வெறித்தனமாக காத்திருந்த ரசிகர்களுக்கு 'பிகில்' அடித்து சொன்ன ட்ரெய்லர்!
பிகில் படத்தின் ட்ரெய்லர் வெளியீட்டு தேதியை படக்குழு தற்போது அறிவித்துள்ளது.
bigil
பெரும் பொருட்செலவில் ஏ.ஜி.எஸ் எண்டர்டெயின்மென்ட் நிறுவனம் தயாரிக்கும் இப்படத்திற்கு ஏ.ஆர்.ரஹ்மான் இசையமைக்கிறார். இந்த வருட தீபாவளி விருந்தாக பிகில் படம் வெளியாகவுள்ளது. சமீபத்தில் இப்படத்தின் இசை வெளியிட்டு விழா சென்னையில் பிரமாண்டமாக நடைபெற்றது. இதனையடுத்து இப்படத்தின் ட்ரெய்லருக்காக ரசிகர்கள் வெறித்தனமாக காத்துக்கொண்டிருக்கின்றனர்.
இந்நிலையில், இப்படத்தின் ட்ரெய்லர் அக். 12ஆம் தேதி வெளியாகும் என படக்குழு அறிவித்துள்ளது. இதனையடுத்து ரசிகர்கள் #PodraVediya என்னும் ஹேஷ்டேகை ட்விட்டரில் டிரெண்ட் செய்துவருகின்றனர்.