அட்லி இயக்கத்தில் விஜய், நயன்தாரா ஆகியோர் முன்னணி கதாபாத்திரங்களில் நடித்துள்ள படம் ‘பிகில்’. ஏ.ஆர். ரஹ்மான் இசையமைத்துள்ள இந்தப் படத்தின் இசை வெளியீட்டு விழா நாளை சென்னையில் நடைபெறவுள்ளது. இதில் விஜய் பாடவிருப்பதாகத் தகவல்கள் வெளியாகியுள்ளன.
நடனத்துக்குப் பெயர்போன விஜய், சிறந்த பாடகரும் கூட, அவர் குரலில் உருவான பல பாடல்கள் ஹிட்டடித்துள்ளன. முன்பெல்லாம் ரசிகர்களுக்காக மேடையில் பாடிய விஜய், உச்ச நட்சத்திரமான பிறகு அதனை தவிர்த்துவந்தார். கடைசியாக ‘நண்பன்’ இசை வெளியீட்டு விழாவில் பாடினார். தற்போது ‘பிகில்’ இசை வெளியீட்டு விழாவில் ரஹ்மான் இசையில் பாடவுள்ளதாகத் தகவல்கள் வெளியாகியுள்ளன.