கரோனா: எளிமையாக திருமணம் செய்துகொண்ட பிகில் பட ஒளிப்பதிவாளர்

சென்னை: பிகில் திரைப்பட ஒளிப்பதிவாளர் ஜி.கே. விஷ்ணு - மகாலட்சுமி திருமணம் இன்று எளிமையான முறையில் நடைபெற்றது.

தளபதி விஜய் நடிப்பில் இயக்குநர் அட்லி இயக்கத்தில் உருவான மெர்சல், பிகில், தெலுங்கில் வெளியான கிராக் படங்களில் ஒளிப்பதிவாளராகப் பணியாற்றியவர், ஜி.கே. விஷ்ணு. இவர் மகாலட்சுமி என்பவரை இன்று திருமணம் செய்துகொண்டார்.

இத்திருமணம் சோழிங்கநல்லூரில் உள்ள இஸ்கான் கோயிலில் இனிதே நடைபெற்றது. கரோனா பாதுகாப்பு கருதி மணமகன், மணமகளின் பெற்றோர், மிக முக்கியமான உற்றார்- உறவினர்கள் புடை சூழ எளிய முறையில் இத்திருமணம் நடைபெற்றது.