கடந்த ஆண்டு ஜெயம் ரவி நடிப்பில் வெளியான 'டிக் டிக் டிக்', 'அடங்கமறு' ரசிகர்களிடம் வரவேற்பைப் பெற்றது. இதையடுத்து இவர் நடித்து, 90ஸ் கிட்ஸ்களின் வாழ்க்கையையும் மனிதர்கள் மறந்த மனிதத்தையும் எடுத்துரைக்கும் விதமாக அமைந்த 'கோமாளி' படம் கடந்தாண்டு ஆகஸ்டில் வெளியாகி சூப்பர் ஹிட்டானது.
இந்நிலையில், ஹாட்ரிக் ஹிட் கொடுத்த குஷியில் தனது அடுத்த படம் குறித்த அறிவிப்பை வெளியிட்டார். இது ஜெயம் ரவியின் 25ஆவது படமாகும். இந்த படத்தை ஜெயம் ரவியின் சொந்த தயாரிப்பு நிறுவனமான ஹோம் மூவி மேக்கர்ஸ் தயாரிக்க, ரோமியோ ஜூலியட், போகன் படங்களை இயக்கிய லக்ஷ்மண் இயக்குகிறார்.