விஜய் ரசிகர்கள் ஆவலுடன் எதிர்பார்த்திருந்த ‘தளபதி 65’ ஃபர்ஸ்ட் லுக் வெளியாகியுள்ளது. புல்லட், டார்கெட், வெறித்தனம் என ஒவ்வொருவரும் ஒவ்வொரு விதமாக படத்தின் பெயரை கணிக்க, யாருக்கும் இல்லாமல் ‘பீஸ்ட்’ என படத்துக்கு பெயர் வைக்கப்பட்டுள்ளது.
இந்த போஸ்டரை பார்த்ததும் பூரிப்படைந்த ரசிகர்கள், படம் எப்படி இருக்கும், விஜய் என்ன கதாபாத்திரத்தில் நடித்திருப்பார் என்ற சிந்தனைக்கு சென்றுவிட்டனர்.
மார்வெல் உருவாக்கிய x - men சீரிஸில் வரும் வுல்வரின் (லோகன்) போல வெள்ளை வெஸ்டில் விஜய் இருக்கிறார்.அந்தக் கதாபாத்திரம் போலவே விஜய் உடம்பை மெருகேற்றியிருப்பது தெரிகிறது. கேங்ஸ்டர், ரகசிய உளவாளி என பல்வேறு கணிப்புகள் எழுந்துள்ளன.
இந்திய ராணுவத்தினர் பயன்படுத்தும் வகை துப்பாக்கியை கையில் வைத்திருப்பதால், பயங்கரவாத தடுப்பு பிரிவைச் சேர்ந்தவராக விஜய் இருக்கலாம் என்றும் கூறப்படுகிறது.