சிவகார்த்திகேயனுக்கு ஸ்பெஷல் போஸ்டர் வெளியிட்ட 'அயலான்' படக்குழு!

சிவகார்த்திகேயன் இன்று தனது 37ஆவது பிறந்தநாளைக் கொண்டாடுவதையடுத்து, அயலான் படக்குழு ஸ்பெஷல் போஸ்டர் ஒன்றை வெளியிட்டு வாழ்த்து தெரிவித்துள்ளது.

சிவகார்த்திகேயன் நடிப்பில், ரவிக்குமார் இயக்கத்தில் உருவாகியுள்ள திரைப்படம் 'அயலான்'. ரவிக்குமார், விஷ்ணு விஷால் நடிப்பில் வெளியான 'இன்று நேற்று நாளை' திரைப்படத்தை இயக்கியதன் மூலம் புகழ் பெற்றவர் ஆவார். 'அயலான்' திரைப்படமே இதுவரை சிவகார்த்திகேயன் நடித்த படங்களிலேயே அதிக பட்ஜெட்டில் தயாரிக்கப்பட்டுள்ளது.

ரகுல் ப்ரீத் சிங், இஷா கோபிகர், யோகிபாபு, கருணாகரன், பானுப்ரியா உள்ளிட்டோர் முக்கிய கதாபாத்திரங்களில் நடித்துள்ளனர். ஏ.ஆர்.ரஹ்மான் இசையமைத்துள்ளார். இயக்குநரின் முந்தைய படத்தைப் போன்றே, இத்திரைப்படமும் சயின்ஸ் ஃபிக்‌ஷன் பாணியில் உருவாக்கப்பட்டுள்ளது.

படப்பிடிப்பு அனைத்தும் முடிவடைந்த நிலையில், தற்போது போஸ்ட் புரொடக்ஷன் பணிகள் இறுதி கட்டத்தை எட்டியுள்ளன. இந்நிலையில் இன்று (பிப்ரவரி 17) சிவகார்த்திகேயன் தனது 37ஆவது பிறந்தநாளை கொண்டாடுகிறார். இதனையடுத்து அயலான் படக்குழு ஸ்பெஷல் போஸ்டர் ஒன்றை வெளியிட்டு, சிவகார்த்திகேயனுக்கு வாழ்த்து தெரிவித்துள்ளது.

இதையும் படிங்க:'அன்சார்டட்' திரைப்படத்துக்காக 17 முறை காரில் அடிபட்டேன் - டாம் ஹாலந்த்