நடிகர் ஆர்யா, விஷால் நடிப்பில் 2011ஆம் ஆண்டு வெளியான அவன் - இவன் திரைப்படம் நெல்லை மாவட்டம் சிங்கம்பட்டி ஜமீன்தார் மற்றும் சொரிமுத்து அய்யனார் கோயில் சார்ந்த கதையுடன் எடுக்கப்பட்டிருந்தது. இயக்குநர் பாலா இந்த படத்தை இயக்கியிருந்தார்.
இந்தப் படத்தில் சிங்கம்பட்டி ஜமீன் குறித்தும், சொரிமுத்து அய்யனார் கோயில் குறித்தும் அவதூறாக பேசியதாக அம்பை குற்றவியல் நடுவர் நீதிமன்றத்தில் வழக்கு தொடரப்பட்டிருந்தது. இந்த வழக்கு பல்வேறு கட்ட விசாரணையில் நடைபெற்று வரும் நிலையில், ஏற்கனவே நடிகர் ஆர்யா, இயக்குநர் பாலா உள்ளிட்டோர் இந்த வழக்கில் நீதிமன்றத்தில் ஆஜராகினர்.