ஹெச். வினோத் இயக்கத்தில் அஜித் நடித்துள்ள ‘நேர்கொண்ட பார்வை’ வெளியாகி நல்ல வரவேற்பை பெற்றுள்ளது. அஜித்தின் அடுத்த படத்தையும் அவர் இயக்கத்தில் உருவாகவுள்ளது. ‘நேர்கொண்ட பார்வை’ படத்தைத் தயாரித்த போனி கபூர்தான் அந்த படத்தையும் தயாரிக்கிறார். ஸ்ரீதேவியின் மகள் ஜான்வி கபூர் இதில் ஒரு முக்கிய கதாபாத்திரத்தில் நடிக்க இருக்கிறார். இந்நிலையில், இதில் அருண் விஜய் வில்லனாக நடிக்க இருக்கிறார் என்று தகவல்கள் வெளியாகியுள்ளன.
சத்யா - விக்டர் மீண்டும் மோதல்!
அஜித்தின் அடுத்த படத்தில் அருண் விஜய் வில்லனாக நடிக்கவுள்ளார் என தகவல்கள் வெளியாகியுள்ளன.
yennai arinthaal
2015ஆம் கௌதம் மேனன் இயக்கத்தில் வெளியான ‘என்னை அறிந்தால்’ படத்தில் அஜித்துக்கு வில்லனாக நடித்திருப்பார் அருண் விஜய். விக்டர் எனும் கதாபாத்திரத்தில் நடித்த அருண் விஜய்க்கு பாராட்டுகள் குவிந்தன. தற்போது அஜித்தின் அடுத்த படத்திலும் அருண் விஜயை ஒப்பந்தம் செய்யவுள்ளதாக கூறப்படுகிறது. இதுகுறித்த அதிகாரப்பூர்வ தகவல் வெகு விரைவில் வெளியாகும் என எதிர்பார்க்கப்படுகிறது.