ஹேமந்த் மதுகர் இயக்கத்தில் மாதவன், அனுஷ்கா, அஞ்சலி, ஷாலினி பாண்டே ஆகியோர் நடிப்பில் உருவாகியுள்ள திரைப்படம் 'நிசப்தம்'.
இத்திரைப்படம் தமிழ், தெலுங்கு, மலையாளம் ஆகிய மூன்று மொழிகளில் வரும் அக்டோபர் 2ஆம் தேதி அமேசான் பிரைம் தளத்தில் வெளியாக உள்ளது. தமிழ், மலையாளம் ஆகிய இரண்டு மொழிகளில் இப்படத்தின் பெயர் சைலன்ஸ் என்பது குறிப்பிடத்தக்கது.
இந்நிலையில் இத்திரைப்படத்தின் ட்ரெய்லர் இன்று (செப்.21) வெளியாகியுள்ளது. செவித் திறன் குறைந்த மற்றும் வாய்பேச முடியாத கதாபாத்திரத்தில் அனுஷ்கா ஷெட்டி இதில் நடித்துள்ளார்.
சஸ்பென்ஸ் கலந்த த்ரில்லர் பாணியில் உருவாகியுள்ள இத்திரைப்படத்தின் ட்ரெய்லர் தற்போது சமூக வலைத்தளங்களில் வைரலாகிறது.
இரண்டு படத்திற்குப் பிறகு மீண்டும் அனுஷ்கா ஷெட்டி - மாதவன் கூட்டணி இத்திரைப்படம் மூலம் இணைந்துள்ளது என்பது குறிப்பிடத்தக்கது.
