'தர்பார்' பட வெற்றியைத் தொடர்ந்து சூப்பர் ஸ்டார் ரஜினிகாந்த் நடிப்பில் உருவாகிவரும் திரைப்படம் 'அண்ணாத்த'. சிறுத்தை சிவா இயக்கிய இப்படத்தை சன் பிக்சர்ஸ் நிறுவனம் தயாரித்துள்ளது.
படத்தில் ரஜினியுடன் நயன்தாரா, குஷ்பூ, மீனா, கீர்த்தி சுரேஷ், சூரி, பிரகாஷ் ராஜ், ஜகபதி பாபு, சதீஷ் உள்ளிட்டோர் முன்னணி கதாபாத்திரங்களில் நடித்துள்ளனர். டி. இமான் இசையமைத்துள்ள, படத்தின் படப்பிடிப்பு ஹைதராபாத், சென்னை, லக்னோ, கொல்கத்தா உள்ளிட்ட இடங்களில் நடைபெற்றது.
இந்நிலையில் அண்ணாத்த படத்தின் இரண்டாவது சிங்கிள் வெளியாகும் தேதி குறித்து அறிவிப்பு வெளியாகியுள்ளது. இது குறித்து சன் பிக்சர்ஸ் நிறுவனம் வெளியிட்டுள்ள பதிவில், "சார காற்றே பாடல் நாளை (அக்.9) 6 மணிக்கு வெளியாகவுள்ளது" எனக் குறிப்பிட்டுள்ளார்.