நடிகர் கதிர், அறிமுக இயக்குநர் குமரன் இயக்கத்தில் நடித்திருக்கும் படம் ஜடா. இப்படத்தை பொயட் ஸ்டுடியோ நிறுவனம் தயாரித்துள்ளது. இப்படத்தில் கதிருக்கு ஜோடியாக புதுமுக நயாகி ரோஷினி நடித்து வருகிறார். மேலும் இவர்களுடன் யோகிபாபு, ஆடுகளம் கிஷோர், லிஜீஸ், ஓவியர் ஸ்ரீதர் உள்ளிட்டோர் முக்கிய கதாபாத்திரத்தில் நடித்துள்ளனர்.
இப்படத்தில், வட சென்னை கால்பந்தாட்ட வீரராக கதிர் நடிக்கிறார். இதில் ஏழு பேர் கொண்டு ஆடும் கால்பந்தாட்டத்தை பற்றிய கதையம்சமாக உருவாக்கப்பட்டுள்ளது. இப்படத்திற்கு சாம் சி எஸ் இசையமைத்துள்ளார்.
இதுகுறித்து சாம் கூறுகையில், கதிர் நடிப்பில் அறிமுக இயக்குநர் குமரன் இயக்கும் இந்த படம் கால்பந்தாட்ட வீரரை பற்றிய கதை. இந்தப்படத்தில் முக்கியமான ஒரு பாடலை அனிருத் பாடினால் சிறப்பாக இருக்கும் என்று அனிருத்தை அணுகினோம் . அனிருத்தும் பாடலின் டியூனைக்கேட்டு உற்சாகமாக பாடிக்கொடுத்துள்ளார்.
அனிருத் பாடும் பாடல்களுக்கு வரவேற்பு அதிகமாகவே இருக்கும். அவர் பாடிய "யாஞ்சி" மற்றும் "கண்ணம்மா" பாடல்கள் பெரும் வரவேற்பை பெற்றது. இந்நிலையில் தற்போது " ஜடா" படத்திற்காக பாடிய பாடலும் அந்த வரிசையில் இடம்பெறும் என்றார்.
பாடல் மிகச்சிறப்பாக வந்துள்ளதால் படக்குழுவினர் உற்சாகத்தில் உள்ளனர்.
