'கொலைவெறி' பாடல் சாதனையை முறியடித்த அனிருத்!

'சாஹோ' படத்தில் இடம்பெறும் காதல் சைக்கோ பாடல் மூலம் கொலைவெறி பாடலின் சாதனையை முறியடித்து அனிருத் புதிய சாதனை படைத்துள்ளார்.

பாகுபலி, பாகுபலி-2 திரைப்படங்களின் பிரமாண்ட வெற்றிக்குப் பிறகு பிரபாஸ் நடிக்கும் திரைப்படம் சாஹோ. அதிக பொருட்செலவில் யு.வி.கிரியேஷன்ஸ் தயாரிக்கும் இப்படத்தை சுஜித் இயக்குகிறார். இப்படத்தின் பர்ஸ்ட் லுக் போஸ்டர் மற்றும் டீசர் வெளியிடப்பட்டு ரசிகர்களின் ரசனையை பூர்த்தி செய்தது. இதுவரை தென்னிந்திய சினிமாவில் முயற்சி செய்யாத அதிரடியான சண்டைக் காட்சிகள் அனைவரையும் கவர்ந்து வருகிறது.

இப்படத்தில் பிரபாஸ், ஸ்ரத்தா கபூர், ஜாக்கி ஷெராஃப், நீல் நிதின் முகேஷ், அருண் விஜய், லால், முரளி உள்ளிட்டோர் நடிக்கின்றனர். ஹாலிவுட் படத்திற்கு நிகராக இப்படத்தை கொண்டு வரவேண்டும் என்பதை மனதில் கொண்டு படக்குழுவினர் புதுவித முயற்சியில் ஈடுபட்டு வருகின்றனர்.

இந்நிலையில் சமீபத்தில் அனிருத் பாடிய ’காதல் சைக்கோ’ பாடல் கொலைவெறி பாடல் சாதனையை முறியடித்து சாதனை படைத்துள்ளது.

யூ ட்யூப் மற்றும் பிற இசைத் தளங்களில் பெரிய அளவில் வரவேற்பு பெற்ற இந்த பாடலை அனிருத் மற்றும் த்வானி பானுஷாலி ஆகியோருடன் இணைந்து பாடலை பாடியதோடு தனிஷ்க் பக்சி இந்த பாடலுக்கு இசையமைத்துள்ளார்.