நடிகர் தனுசுடன் 'அனேகன்' படத்தில் அறிமுகமானவர் அமைரா தஸ்தூர். அதன்பிறகு நடிகர் ஜீவி பிரகாஷுடன் 'காதலை தேடி நித்தியனந்தா' உள்ளிட்ட படங்களில் நடித்துள்ளார்.
அமைரா தஸ்தூர் தற்போது, விலங்கு உணவு பிராண்டின் தூதராக நியமிக்கப்பட்டுள்ளார். இந்நிறுவனம் பிராண்ட் தூதராக இதற்கு முன்பு ஜாக்குலின் பெர்னாண்டஸ், திஷா பதானி, பூஜா ஹெக்டே ஆகியோரை நியமித்திருந்தது. பொதுவாக நடிகைகள், நடிகர்கள் தங்களுக்குப் பிடித்த இயக்குநர்களுடன் பணிபுரியும்போது தாங்கள் வாங்கும் ஊதியத்திலிருந்து சில பங்கை குறைத்துக் கொள்வர்.
அமைரா தஸ்தூர் தனது பிராண்ட் கட்டணத்தின் சிறுபகுதியை பூனைகளுக்கு உணவு அளிப்பதற்காக செலவிட்டுள்ளார். இதுபற்றி அவர் கூறுகையில், விலங்குகள் மீதான என் அன்பு என் அம்மாவிடமிருந்து வந்திருக்கிறது, அவர் எங்கள் வீட்டில் வளரும் நாய் பூனைகளை அன்புடன் கவனித்துக்கொண்டார்.
எனது செல்ல நண்பர்களுக்கு உணவளிக்கும் பிராண்டின் தூதுவராக நியமனம் ஆனது மகிழ்ச்சியை அளிக்கிறது. தெருவில் வசிக்கும் நாய்கள் பூனைகளுக்கும் என்னால் முடிந்த உதவிகளை செய்யவும் உள்ளேன் என்று அவர் கூறினார்.
இதேபோல், கங்கனா ரனாவத் நடிப்பில் வெளியாக உள்ள 'ஜட்ஜ்மென்டல் ஹை க்யா' திரைப்படத்தின் கட்டணத்தில் இருந்து 20 சதவீதத்தை விலங்களுக்கு உதவ படக்குழு முடிவு செய்திருப்பது குறிப்பிடத்தக்கது.