நடிகை அமலாபால் விவாகரத்திற்குப் பின் தமிழ், மலையாளம், தெலுங்கு ஆகிய மொழித் திரைப்படங்களில் பிசியாக நடித்துக் கொண்டிருக்கிறார். சமீபத்தில் தமிழில் இவர் நடிப்பில் வெளியான 'ஆடை' திரைப்படம் பெரும் விமர்சனங்களைச் சந்தித்தது. ரத்னகுமார் இயக்கியிருந்த ஆடை திரைப்படத்தில் அமலா பால் மேலாடை இல்லாமல் நடித்திருந்தால் அது பெரும் சர்ச்சைக்குள்ளானது.
இதைத் தொடர்ந்து அமலா பால் தற்போது இந்தியில் வெளியான 'லஸ்ட் ஸ்டோரிஸ்' வெப் சீரிஸின் தெலுங்கு ரீமேக்கில் நடித்துவருகிறார். இதனிடையே புதுமுக இயக்குநர் கே.ஆர். வினோத் இயக்கத்தில் அமலா பால் நடித்துள்ள 'அதோ அந்த பறவை போல' என்ற படத்திலும் நடித்துள்ளார். இப்படம் விரைவில் வெளியாக உள்ளது.