'ஆடை' திரைப்படத்திற்குப் பிறகு அமலா பால் தற்போது 'அதோ அந்த பறவை போல' படத்தில் நடித்து முடித்துள்ளார்.
இந்தப்படத்தை புதுமுக இயக்குநர் கே.ஆர். வினோத் இயக்கியுள்ளார். 2017ஆம் ஆண்டே தொடங்கப்பட்ட இத்திரைப்படத்தின் இறுதி கட்டப் பணிகள் நீண்டநாட்களாக நடைபெற்று வந்தது.
இதனிடையே இத்திரைப்படத்தின் தணிக்கைப் பணிகள் முடிவடைந்து, கடந்த ஆண்டில் படத்திற்கு 'யு' சான்றிதழ் கிடைத்தது. அதனைத் தொடர்ந்து நவம்பர் மாதம் இப்படத்தின் டீஸரை படக்குழு வெளியிட்டிருந்தது.
அடர்ந்த வனப்பகுதியில் சிக்கிக்கொள்ளும் ஒரு பெண் எவ்வாறு அங்கிருந்து தப்பித்து வீடு திரும்புகிறார் என்பதை விறுவிறுப்பான அதிரடி காட்சிகளுடன் படமாக்கியுள்ளனர்.
லிப்ரா புரொடெக்சன் நிறுவனம் தயாரித்துள்ள 'அதோ அந்த பறவை போல' திரைப்படம், விரைவில் திரைக்கு வரவுள்ள நிலையில் தற்போது ட்ரெய்லரை படக்குழு வெளியிட்டுள்ளது.