சென்னை: ஹெச்.வினோத் இயக்கத்தில் அஜித் நடிக்கும் படம் 'வலிமை'. இப்படத்தில் ஹூமா குரேஷி, தெலுங்கு நடிகர் கார்த்திகேயா உள்ளிட்டோரும் நடிக்க போனி கபூர் தயாரித்து வருகிறார். யுவன் சங்கர் ராஜா இசை அமைத்துள்ளார்.
இப்படத்தின் ஃபர்ஸ்ட் லுக் போஸ்டர், முதல் பாடல் வெளியாகி வரவேற்பு பெற்றது. 'வலிமை' அப்டேட் கேட்டு நச்சரித்துக்கொண்டு இருந்த ரசிகர்களுக்கு இது கொண்டாட்டமாக அமைந்தது.
முக்கியமான சண்டைக்காட்சி
இப்படத்தின் படப்பிடிப்பு பெரும்பாலும் முடிவடைந்துவிட்ட நிலையில் முக்கியமான சண்டைக்காட்சி மட்டும் கரோனா காரணமாக எடுக்கப்படாமல் இருந்தது. இதற்காக படக்குழுவினர் அஜித்துடன் சமீபத்தில் ரஷ்யா சென்று படப்பிடிப்பை நடத்தினர்.