அஜித் ரசிகர்கள் ஆவலுடன் எதிர்ப்பார்த்து காத்திருந்த வலிமை படத்தின் மோஷன் போஸ்டர், நேற்று (ஜூலை.11) வெளியானது. ’பிஜிஎம்’ கிங் யுவனின் இசையில், அஜித் மாஸாகக் காட்சியளிக்கிறார்.
ஒரு பெரும் கூட்டத்தை எதிர்த்து அஜித் நிற்பது போல் ஒரு ஸ்டில், க்ளீன் ஷேவ் செய்து கூலர்ஸ் அணிந்தபடி ஒரு ஸ்டில், கொஞ்சம் நரைத்த தாடியோடு கண்ணில் லென்ஸ் வைத்தபடி ஒரு ஸ்டில், என மோஷன் போஸ்டர் நகர்கிறது. இதுபோக போஸ்டர்கள் தனியாக விடப்பட்டுள்ளன.
போஸ்டரில் பலர் பைக்கில் துரத்துவது போன்ற காட்சியும் இருக்கிறது. இதில் ஒரு மாஸான பைக் சேசிங் காட்சியை நாம் எதிர்பார்க்கலாம். படத்துக்கு படம் அஜித் பைக் ஸ்டண்ட்கள் செய்தாலும், ஹெச். வினோத் மேக்கிங்கில் இந்த பைக் ஸ்டண்ட் காட்சி மிரட்டலாக இருக்கும் என எதிர்பார்க்கலாம்.
கண்ணில் லென்ஸ் வைத்திருக்கிறார் அஜித். கடைசியாக 'வரலாறு (காட்பாதர்)' படத்தில் கண்ணில் லென்ஸ் வைத்து நடித்திருந்தார். அந்த கெட்டப்பும் பெரும் வரவேற்பைப் பெற்றது. நீண்ட காலத்துக்குப் பிறகு அஜித் இப்படி தோன்றுகிறார்.
கையில் இரும்பு குண்டு ஒன்றைத் தூக்கியபடி வரும் காட்சியும் மாஸாக இருக்கிறது. ’நேர்கொண்ட பார்வை’ படத்தில் பணியாற்றிய திலிப் சுப்பராயண் தான் இதில் சண்டைப் பயிற்சியாளராக பணியாற்றியுள்ளார். எனவே மாஸ் ஸ்டண்ட் காட்சிகளுக்கு பஞ்சம் இருக்காது.