தெலுங்கு பக்கம் சென்ற ஐஸ்வர்யா ராஜேஷ் - 'ரிபப்ளிக்' ஃபர்ஸ்ட் லுக்

தெலுங்கில் உருவாகி வரும் 'ரிபப்ளிக்' படத்தில் நடித்து வரும் ஐஸ்வர்யா ராஜேஷின் ஃபர்ஸ்ட் லுக் போஸ்டரை படக்குழு தற்போது வெளியிட்டுள்ளது.

ஓடிடி தளங்களில் சமீபத்தில், ஐஸ்வர்யா ராஜேஷ் நடிப்பில் வெளியான 'திட்டம் இரண்டு', 'பூமிகா' ஆகிய படங்கள் ரசிகர்கள் மத்தியில் நல்ல வரவேற்பை பெற்றது.

இதனைத் தொடர்ந்து ஐஸ்வர்யா ராஜேஷ், தெலுங்கில் தேவ் கட்டா இயக்கிவரும் 'ரிபப்ளிக்' படத்தில் நடித்து வருகிறார். இதில் சாய்தரம் தேஜ் கதாநாயகனாக நடிக்கிறார். இவர்களுடன் ஜெகபதி பாபு உள்ளிட்டோர் முக்கிய கதாபாத்திரத்தில் நடிக்கின்றனர்.

மணிசர்மா இசையமைக்கும் இப்படத்தினை 'ஜீ' நிறுவனம் தயாரிக்கிறது. இப்படத்தில் ஐஸ்வர்யா ராஜேஷ், 'மைரா ஹான்சன்' என்னும் கதாபாத்திரத்தில் நடிக்கிறார். தற்போது இவரின் ஃபர்ஸ்ட் லுக் போஸ்டரை படக்குழு வெளியிட்டுள்ளது. மேலும் இப்படம் அக்டோபர் 1ஆம் தேதி வெளியாகும் என படக்குழு அறிவித்துள்ளது.