HBD Priyanka mohan மெழுகு டாலுக்கு பிறந்தநாள்

டாக்டர் படத்தின் நாயகி பிரியங்கா மோகனின் பிறந்தநாளை முன்னிட்டு ட்விட்டரில் அவரது ரசிகர்கள் வாழ்த்து மழை பொழிந்துவருகின்றனர்.

கன்னட மொழியில் 2019ஆம் ஆண்டு வெளியான 'Ondh Kathe Hella' (ஒன்து கதே ஹெல்லா) என்ற படம் மூலம் நாயகியாக அறிமுகமானவர் பிரியங்கா மோகன். இதனையடுத்து அதே ஆண்டு தெலுங்கில் கேங் லீடர் (Gang Leader) என்ற படத்திலும் நடித்திருந்தார்.

சிவகார்த்திகேயன் நடிப்பில் வெளியான, 'டாக்டர்' திரைப்படத்தில் நாயகியாக நடித்ததன் மூலம் தமிழில் இவர் நாயகியாக அறிமுகமாகினார்.

கேங் லீடர் படத்தில் பிரியங்கா மோகனின் நடிப்பைப் பார்த்துக் கவர்ந்ததால், 'டாக்டர்' பட இயக்குநர் நெல்சன் தனது படத்தில் நடிக்க வாய்ப்பு கொடுத்தார். இந்தப் படத்தில் இடம்பெற்றுள்ள செல்லம்மா பாடலில் இடம்பெற்றுள்ள உள்ள ’மெழுகு டாலின்’ என்ற சொல் உண்மையில் அவருக்கு எழுதிய வரிகள் போலவே இடம்பெற்றிருக்கும்.

பிரியங்கா மோகன்

'டாக்டர்' படத்தின் வெற்றியைத் தொடர்ந்து மீண்டும் சிவகார்த்திகேயனுடன், பிரியங்கா மோகன் 'டான்' படத்தில் ஜோடியாக நடித்துவருகிறார். அதுமட்டுமின்றி சூர்யா நடிப்பில் பாண்டிராஜ் இயக்கத்தில் உருவாகியுள்ள, 'எதற்கும் துணிந்தவன்' படத்தில் நடித்துவருகிறார் பிரியங்கா மோகன்.

இந்நிலையில் பிரியங்கா மோகன் இன்று (நவம்பர் 20) தனது 27ஆவது பிறந்தநாளைக் கொண்டாடிவருகிறார். இதனையொட்டி திரைப் பிரபலங்கள், ரசிகர்கள் எனப் பலரும் ட்விட்டரில் அவருக்கு வாழ்த்துத் தெரிவித்துவருகின்றனர்.

இதையும் படிங்க: நியூயார்க் டைம் சதுக்கத்தில் முதல்முறையாக இடம்பெற்ற இளையராஜா