சரியான நேரத்தில் வழங்கப்படும் நீதிக்கு ஈடிணையில்லை - என்கவுன்டர் குறித்து நயன்தாரா கருத்து

தெலங்கானாவில் கால்நடை மருத்துவர் பாலியல் வன்புணர்வு செய்யப்பட்டு கொல்லப்பட்ட சம்பவத்தையடுத்து குற்றவாளிகளை காவல் துறையினர் நேற்று என்கவுன்டர் செய்து கொன்றனர். இதையடுத்து காவல் துறையினருக்கு வாழ்த்து குவிந்துவருகிறது.

திரையுலகினர் பலரும் இச்சம்பவத்திற்கு வாழ்த்து தெரிவித்துவரும் நிலையில் நடிகை நயன்தாராவும் தனது கருத்தை அறிக்கை வாயிலாகப் பதிவு செய்துள்ளார்.

நயன்தாரா

அதில், இந்த என்கவுன்டர் என்பது சரியான நேரத்தில் கிடைத்துள்ள நீதி என்றும் இதற்கு ஈடிணையில்லை என்றும் நயன்தாரா தெரிவித்துள்ளார். மேலும் தனது கருத்துரையில் ஹைதராபாத் காவல் துறையினரை வெகுவாகப் பாராட்டியுள்ளார். இந்த என்கவுன்டரை நியாயம் கிடைத்த நாளாக குறித்து வைக்கலாம் என்ற கருத்தினையும் முன்வைத்துள்ளார்.

கருத்துரை

ஆண் குழந்தைகளுக்கு பெண்களிடம் எப்படி நடந்துகொள்ள வேண்டும் என்று கற்றுக்கொடுக்க வேண்டியது அவசியம் என்று குறிப்பிட்ட அவர், பெண்களை மதித்து பாதுகாப்பவனே நாயகன் என்றும் தெரிவித்துள்ளார்.

கருத்துரை

இதையும் படிங்க: தெலங்கானா என்கவுன்டருக்கு அஜித் ரசிகர்கள் வாழ்த்து