ரஜினி நடிப்பில் உருவாக உள்ள தலைவர் 168 படத்தில் நடிகை மீனா நடிக்க உள்ளதாக படக்குழு அதிகாரப்பூர்வமாக அறிவித்துள்ளது.
ஏ.ஆர். முருகதாஸின் 'தர்பார்' படத்தைத் தொடர்ந்து சூப்பர் ஸ்டார் ரஜினிகாந்த், இயக்குநர் சிறுத்தை சிவா இயக்கும் புதியப் படத்தில் நடிக்க உள்ளார். இன்னும் பெயரிடப்படாத இப்படத்திற்கு தற்காலிகமாக 'தலைவர் 168' என்னும் பெயர் வைக்கப்பட்டுள்ளது. இந்தப் படத்தை சன் பிக்சர்ஸ் நிறுவனம் தயாரிக்கிறது.
இயக்குநர் சிவா, நடிகர் கார்த்தியை வைத்து 'சிறுத்தை' படத்தினை இயக்கினார். அதனையடுத்து, 'வீரம்', 'வேதாளம்', 'விவேகம்', 'விஸ்வாசம்' என அடுத்தடுத்து அஜித்தை வைத்து இயக்கினார். தற்போது ரஜினியின் 168ஆவது படத்தை இயக்கவுள்ளார். இப்படத்திற்கு டி.இமான் இசையமைக்க உள்ளார்.