தலைவருடன் மீண்டும் இணையும் காந்தக் கண்ணழகி!

'தர்பார்' திரைப்படத்தின் படப்பிடிப்பு நிறைவைத் தொடர்ந்து இயக்குநர் சிறுத்தை சிவாவுடன் தனது அடுத்தப் படத்துக்கான பணிகளில் நடிகர் ரஜினிகாந்த் ஈடுபட்டுள்ளார்.

'தலைவர் 168' என தற்காலிகமாகப் பெயரிடப்பட்ட அந்தப் படத்தில் நடிகை கீர்த்தி சுரேஷை நடிக்க வைக்க படக்குழு முடிவு செய்துள்ளதாக தகவல்கள் பரவி வருகின்றன.

படப்பிடிப்பு துரிதமாக தொடங்கவுள்ளதாகப் படக்குழு அறிவித்துள்ள நிலையில், படத்தில் நடிகை மீனா முக்கியக் கதாபாத்திரத்தில் நடிக்க ஒப்பந்தம் ஆகியுள்ளார்.

முத்து

டி. இமான் இசையமைக்கும் இப்படத்தை சன் பிக்சர்ஸ் நிறுவனம் தயாரிக்கிறது. படத்தின் கதாபாத்திரங்கள் விரைவில் அறிவிக்கப்படவுள்ளன.

ஏற்கெனவே ரஜினியும், மீனாவும் எஜமான், வீரா, முத்து ஆகிய திரைப்படங்களில் நடித்துள்ளனர். ஜப்பானில் இருவரும் நடித்த முத்து திரைப்படம் பெரிய வெற்றி பெற்றது குறிப்பிடத்தக்கது.

இதையும் படிங்க : அவனுங்கள எங்ககிட்ட விடுங்க! - காயத்ரி ஆவேசம்