விஜய் 65 படத்தின் இயக்குநர் பெயர் அறிவிப்பு - ரசிகர்கள் உற்சாகம்

நடிகர் விஜய்யின் 65ஆவது திரைப்படம் குறித்த அதிகாரப்பூர்வ அறிவிப்பை சன் பிக்சர்ஸ் நிறுவனம் அதன் ட்விட்டர் பக்கத்தில் வெளியிட்டுள்ளது.

நடிகர் விஜய்யின் 65ஆவது திரைப்படத்தை (#Thalapathy65) நயன்தாரா நடிப்பில் வெளியான கோலமாவு கோகிலா என்ற வெற்றிப்படத்தை இயக்கிய நெல்சன் திலீப்குமார் இயக்கவுள்ளார். இப்படத்தை தயாரிக்கவுள்ள சன் பிக்சர்ஸ் நிறுவனம் இந்த அதிகாரப்பூர்வ அறிவிப்பை அதன் ட்விட்டர் பக்கத்தில் வெளியிட்டுள்ளது. ராக்ஸ்டார் அனிருத் படத்திற்கு இசையமைக்கவுள்ளார்.

முன்னதாக தளபதி 65 திரைப்படத்தை ஏ.ஆர்.முருகதாஸ் இயக்கவிருப்பதாக தகவல் வெளியானது. இந்நிலையில், படக்குழுவின் இந்த அறிவிப்பு ரசிகர்களிடையே மகிழ்ச்சியை ஏற்படுத்தியுள்ளது.

இந்த படத்தில் நடிக்கவுள்ள பிற பிரபலங்கள் குறித்த அறிவிப்பு விரைவில் வெளியாகும் என எதிர்பார்க்கப்படுகிறது. ஏ.ஆர்.முருகதாஸ் இயக்கத்தில் விஜய் நடித்திருந்த சர்கார் திரைப்படத்தை சன் பிக்சர்ஸ் நிறுவனம் தயாரித்திருந்தது குறிப்பிடத்தக்கது.

இதையும் படிங்க:'தளபதி 65 படத்தின் இசையமைப்பாளர் யார் தெரியுமா?'