விஜய்யின் 'மாஸ்டர்' குறித்த புதிய அப்டேட்

லோகேஷ் கனகராஜ் இயக்கத்தில் விஜய் நடித்துள்ள மாஸ்டர் திரைப்படத்திற்கு யு/ஏ சான்றிதழ் வழங்கப்பட்டுள்ளது.

'மாநகரம்', 'கைதி' போன்ற திரைப்படங்களைத் தொடர்ந்து, லோகேஷ் கனகராஜ் நடிகர் விஜய்யை வைத்து 'மாஸ்டர்' படத்தை இயக்கியுள்ளார். ராக்ஸ்டார் அனிரூத் இசையில் உருவாகியுள்ள இப்படத்தில் மாளவிகா மோகனன் விஜய்க்கு ஜோடியாக நடித்துள்ளார். படத்தின் பாடல்கள், டீசர் என அனைத்தும் ரசிகர்கள் மத்தியில் நல்ல வரவேற்பை பெற்றன.

கரோனா ஊரடங்கு காரணமாக, இத்திரைப்படத்தின் வெளியீடு தள்ளி போன நிலையில், தற்போது வரும் பொங்கலுக்கு வெளியாகவுள்ளதாக, தகவல் வெளியாகியுள்ளது.

இந்நிலையில், இப்படத்திற்கு தணிக்கை குழு யு/ஏ சன்றிதழ் வழங்கியுள்ளது. இதனால் படத்தின் வெளியீடு குறித்த அதிகாரப்பூர்வ அறிவிப்பு விரைவில் வெளியாகும் என ரசிகர்களிடையே பெரும் எதிர்பார்ப்பு எழுந்துள்ளது.

இதையும் படிங்க:விஜய்யின் 'மாஸ்டர்' கதை இதுதான்? கசிந்த தகவல்