விஜய் சேதுபதியை வைத்து 'மாமனிதன்' படத்தை இயக்கி முடித்த சீனு ராமசாமி, அடுத்ததாக இசையமைப்பாளரும் நடிகருமான ஜி.வி. பிரகாஷை வைத்து 'இடி முழக்கம்' என்னும் படத்தை இயக்கிவருகிறார். இப்படத்தில் ஜி.வி. பிரகாஷுக்கு ஜோடியாக காயத்ரி நடிக்கிறார். மேலும் இவர்களுடன் எம்.எஸ். பாஸ்கர், சரண்யா பொன்வண்ணன் உள்ளிட்டோர் நடிக்கின்றனர்.
ஆக்ஷன் ஸ்கைமேன் ஃபிலிம்ஸ் இன்டர்நேஷனல் சார்பில் கலைமகன் முபாரக் இப்படத்தைத் தயாரித்துள்ளார். வைரமுத்து பாடல் எழுத ரகுநந்தன் இசையமைத்துள்ளார். த்ரில்லர் பாணியில் உருவாகிவரும் இதன் முதற்கட்டப் படப்பிடிப்பு தேனி, கொடைக்கானலில் விறுவிறுப்பாக நடைபெற்றது.