#BigilReleaseDate - தீபாவளிக்கு முன்பே ’தெறி’க்கப்போகும் ‘பிகில்’!

தீபாவளியன்று வெளியாகும் என கருதப்பட்ட ‘பிகில்’ திரைப்படம் தீபாவளிக்கு முன்பே ரிலீஸாகும் என்று அப்படத்தின் தயாரிப்பாளர் அர்ச்சனா கல்பாத்தி ட்விட்டரில் ட்வீட் செய்துள்ளார்.

ஏ ஜி எஸ் நிறுவனம் தயாரிப்பில், இயக்குநர் அட்லியின் இயக்கத்தில் விஜய், நயன்தாரா, ஜாக்கி ஷெராஃப், கதிர், யோகி பாபு என ஒரு மாபெரும் நடிகர் பட்டாளமே நடித்துள்ள படம் ‘பிகில்’. இத்திரைப்படத்தின் ரிலீஸ் தேதி இன்று வெளியாகி இருக்கிறது.

தீபாவளியன்று ரிலீஸாகும் என எதிர்பார்க்கப்பட்ட ’பிகில்’ திரைப்படத்தின் ரேசில் ’கைதி’ படமும் நுழைந்த நிலையில், வெளியீட்டு தேதியை தள்ளிப்போட்டது ‘பிகில்’ படக்குழு.

நேற்று தணிக்கைச் சான்றிதழை இத்திரைப்படம் பெற்ற நிலையில், இன்று வெளியீட்டு தேதியையும் படத்தின் தயாரிப்பாளர் அர்ச்சனா கல்பாத்தி தனது ட்விட்ட்ர் தளத்தில் பதிவிட்டார். தீபாவளியன்று வெளியாகும் என்று பெரும் எதிர்பார்ப்பு இருந்தநிலையில், தீபாவளிக்கு முன்பே (October 25) வெள்ளிக்கிழமையன்று படம் களமிறங்கப்போகிறது. அதே தேதியில் ‘கைதி’யும் ரிலீஸாவது குறிப்பிடத்தக்கது.