சென்னை: நடிகர் விஜய் தனது ரோல்ஸ் ராய்ஸ் காருக்கு நுழைவு வரியிலிருந்து விலக்களிக்கக் கோரி சென்னை உயர் நீதிமன்றத்தில் வழக்கு தொடர்ந்தார். இவ்வழக்கை விசாரித்த சென்னை உயர்நீதிமன்ற நீதிபதி சுப்பிரமணியம் வழக்கை தள்ளுபடி செய்தார்.
மேலும், வரி என்பது நன்கொடை அல்ல பங்களிப்பு என்றும், நீங்கள் நிஜ ஹீரோவாக இருங்கள் என்றும் கூறி ஒரு லட்சரூபாய் அபராதம் விதித்தும் நீதிபதி உத்தரவிட்டார். இந்நிலையில், இவ்வழக்கின் தீர்ப்பை எதிர்த்து நடிகர் விஜய் தரப்பு மேல்முறையீடு செய்ய உள்ளதாகத் தகவல் வெளியாகியுள்ளது.