நடிகர் விஜய்யின் பிகில் திரைப்படம் 25ஆவது நாளைக் கடந்து வெற்றிகரமாக திரையில் ஓடிக்கொண்டிருக்கிறது. இதனை விஜய் ரசிகர்கள் பொதுவெளியிலும் சமூக வலைதளங்களிலும் கொண்டாடிவருகின்றனர். அந்த வகையில் பிகில் படத்தில் நடித்த நடிகர் சவுந்தர ராஜா #பிகில் 25ஆவது நாள் வெற்றி விழா, மக்கள் நலப்பணி கொண்டாட்டத்தில் இன்று ஈடுபட்டார்.
சென்னையில் நடைபெற்ற விஜய் ரசிகர்கள் சங்கமத்தில் பொதுமக்களுக்கு மரக்கன்றுகள், தலைக்கவசம் உள்ளிட்டவை வழங்கி ஆசி பெற்றுள்ளார்.
இதுதொடர்பாக ட்வீட் செய்துள்ள சவுந்தர ராஜா, 'நாலு பேருக்கு நல்லது செய்யணும்னு கூட நினைக்க வேண்டாம், கெட்டது செய்யாம இருந்தாலே போதும். நம்ம மனசும், உடலும் ஆரோக்கியமா இருக்கும். தளபதி @actorvijay அண்ணாவின் #பிகில் 25ஆவது நாள் வெற்றி விழா & மக்கள் நலப்பணி கொண்டாட்டம். ஒரு பாட்டியின் ஆசீர்வாதம் சந்தோசத்தின் உச்சம்🙏@Actor_Vijay 😍' என்று குறிப்பிட்டுள்ளார்.