த.செ.ஞானவேல் இயக்கத்தில், 2டி என்டர்டெயின்மென்ட் தயாரிப்பில், சூர்யா நடித்துள்ள படம் 'ஜெய் பீம்'. இதில் ரஜிஷா விஜயன், பிரகாஷ்ராஜ் உள்ளிட்டோர் முக்கியக் கதாபாத்திரங்களில் நடித்துள்ளனர்.
தீபாவளி கொண்டாட்டத்தை முன்னிட்டு, நவம்பர் 2ஆம் தேதி அமேசான் பிரைம் ஓடிடி தளத்தில் 'ஜெய் பீம்' தமிழ், தெலுங்கு, மலையாளம், இந்தி, கன்னடம் ஆகிய 5 மொழிகளில் வெளியாகியுள்ளது. இப்படத்தைப் பார்த்த முதலமைச்சர் ஸ்டாலின், கமல்ஹாசன், இயக்குநர் பா.இரஞ்சித், தெலுங்கு நடிகர் நானி உள்ளிட்ட பலர் வெகுவாக பாராட்டினர்.
இருளர் இனத்தைச் சேர்ந்த ராஜகண்ணு என்பவர் செய்யாத குற்றத்திற்காக காவல்துறையினர் அவரை சித்திரவதை செய்து கொன்றனர். இதைக் கதையின் மையக்கருவாக வைத்து 'ஜெய் பீம்' திரைப்படம் உருவானது. இத்திரைப்படத்தை ரசிகர்கள் மட்டுமின்றி பொதுச் சமூகத்தைச் சேர்ந்த பல்வேறு தரப்பினரும் பாராட்டி வருகின்றனர்.
இந்நிலையில், நடிகர் சிவக்குமார் ஜெய் பீம் படக்குழுவினரை நேரில் அழைத்துப் பாராட்டியுள்ளார். இயக்குநர் ஞானவேல், நடிகர் மணிகண்டன், நடிகை லிஜோ மோல், இயக்குநர் - நடிகர் தமிழ், இசையமைப்பாளர் ஷான் ரோல்டன் உள்ளிட்டோர் சிவக்குமாரைச் சந்தித்து வாழ்த்து பெற்றுள்ளனர்.
இதையும் படிங்க: ஆதிக்கத்திற்கெதிரான போர்க்கருவி 'ஜெய் பீம்' - சீமான் புகழாரம்!
